Author: root

ရန်ကုန်အရှေ့ပိုင်းတက္ကသိုလ်၌ သုတေသနစကားဝိုင်း ဆွေးနွေးပွဲ အခမ်းအနားကို၂၃-၁၀-၂၀၂၅ ရက်နေ့တွင် ဤတက္ကသိုလ်၏ ဘွဲ့နှင်းသဘင်ခန်းမ၌ ကျင်းပခဲ့ပါသည်။ အဆိုပါ အခမ်းအနားသို့ ရန်ကုန်အရှေ့ပိုင်းတက္ကသိုလ်ရှိ ဘာသာရပ်ဌာန ၁၉ ခုမှ ဆရာ၊ ဆရာမများ၊ မဟာသိပ္ပံ၊ မဟာဝိဇ္ဇာနှင့် မဟာအရည်အချင်းစစ်သင်တန်းတက်ရောက်နေသူ ကျောင်းသား၊ ကျောင်းသူ စုစုပေါင်း ၃၀၀ ကျော် တက်ရောက်ခဲ့ကြပြီး ဘာသာစကား၊ လူမှုသိပ္ပံ၊ သဘာဝသိပ္ပံ၊ သက်ရှိ သိပ္ပံ ဘာသာရပ်များကိုယ်စားပြု ပါမောက္ခနှင့် တွဲဖက်ပါမောက္ခ ဆရာ၊ ဆရာမ  ၆ ဦးမှ ဆွေးနွေးပြောကြားခဲ့ပြီး ဆရာ၊ ဆရာမများနှင့် ကျောင်းသား၊ ကျောင်းသူများက သုတေသနစကားဝိုင်း ဆွေးနွေးပွဲတွင် ပါဝင်ဆွေးနွေးခဲ့ကြပါသည်။

ရန်ကုန်အရှေ့ပိုင်းတက္ကသိုလ်၏ (၂၆) ကြိမ်မြောက် မဟာဘုံကထိန်ပွဲအား  (၂၀-၁၀-၂၀၂၅) ရက်နေ့တွင် ပင်မဆောင်၊ ဘုရားခန်း၌ ကျင်းပခဲ့ပြီး ရန်ကုန်အရှေ့ပိုင်းတက္ကသိုလ်ရှိ ဌာနအသီးသီးမှ ပဒေသာပင်များအား ပို့ဆောင် လှူဒါန်းခဲ့ပါသည်။

ရန်ကုန်အရှေ့ပိုင်းတက္ကသိုလ်တွင် သန်လျင်ခရိုင်အတွင်းရှိ အခြေခံပညာအထက်တန်း ကျောင်းများနှင့် ပုဂ္ဂလိက ကျောင်းများမှ Grade-12 ကျောင်းသား၊ ကျောင်းသူများကို တက္ကသိုလ်နှင့် ဒီဂရီကောလိပ်များတွင် သင်ကြားနေသော ဘာသာရပ်များအား မိတ်ဆက်ဟောပြောခြင်း အခမ်းအနား ကို (၁၇-၁၀-၂၀၂၅) ရက်နေ့တွင် ဤတက္ကသိုလ်၏ ဘွဲ့နှင်းသဘင်ခန်းမ၌ ကျင်းပခဲ့ပါသည်။ အဆိုပါ အခမ်းအနားသို့ Grade- 12 ကျောင်းသား၊ ကျောင်းသူ စုစုပေါင်း (၁၀၃၉)ဦး တက်ရောက်ခဲ့ကြပြီး ရန်ကုန်တက္ကသိုလ်၊ ရန်ကုန်နိုင်ငံခြားဘာသာတက္ကသိုလ်၊ ရန်ကုန်စီးပွားရေးတက္ကသိုလ်၊ ရန်ကုန် ပညာရေးတက္ကသိုလ်၊ ရန်ကုန်အရှေ့ပိုင်းတက္ကသိုလ်နှင့် အမျိုးသားစီမံခန့်ခွဲမှုဒီဂရီကောလိပ်မှ တာဝန်ရှိ သူများက မိမိတို့တက္ကသိုလ်တွင် သင်ကြားပို့ချလျက်ရှိသည့် အထူးပြု ဘာသာရပ်များနှင့် မိတ်ဆက် ဟောပြောခဲ့ပြီး ကျောင်းသား၊ ကျောင်းသူများမှ သိရှိလိုသည့်မေးမြန်းချက်များကို ပြန်လည်ရှင်းလင်း ပြောကြားပေးခဲ့ပါသည်။