ရန်ကုန်အရှေ့ပိုင်းတက္ကသိုလ် ၂၀၂၆ ပညာသင်နှစ် အဝေးသင်သင်တန်း၏ ကျောင်းဝင်မှတ်ပုံတင်ခြင်းကို ၁၄-၈-၂၀၂၆ ရက်နေ့ အထိ (စနေနေ့ နှင့် တနင်္ဂနွေနေ့ မပါ) နောက်ဆုံးအကြိမ်အဖြစ် တိုးမြှင့်လက်ခံဆောင်ရွက်ပေး မည်ဖြစ်ပါသည်။ ကျောင်းဝင်မှတ်ပုံတင်ခြင်း နောက်ဆုံးရက်ဖြစ်သော ၁၄-၈-၂၀၂၆ ရက်နေ့ နောက်ပိုင်းတွင် မည်သည့်နည်းနှင့်မျှ ကျောင်းအပ်နှံခြင်းကို ခွင့်မပြု (ခွင့်မပြု) ပါသဖြင့် ကျောင်းသား၊ ကျောင်းသူများ အနေဖြင့် ၁၄-၈-၂၀၂၆ ရက်နေ့အတွင်း အချိန်မီ ကျောင်းအပ်နှံရေး ဆောင်ရွက်နိုင်ရန် အတွက် အသိပေးနှိုးဆော် ကြေညာအပ်ပါသည်။
ရန်ကုန်အရှေ့ပိုင်းတက္ကသိုလ်၏ (၂၇)ကြိမ်မြောက် ဝါဆိုသင်္ကန်းဆပ်ကပ်လှူဒါန်းပွဲကျင်းပခြင်း
ရန်ကုန်အရှေ့ပိုင်းတက္ကသိုလ်၏ (၂၇)ကြိမ်မြောက် ဝါဆိုသင်္ကန်းဆပ်ကပ်လှူဒါန်းပွဲကို (၄-၈-၂၀၂၆)ရက်နေ့တွင် ပင်မဆောင်၊ ဘုရားခန်း၌ ကျင်းပခဲ့ပါသည်။ ဝါဆိုသင်္ကန်းဆပ်ကပ်လှူဒါန်းပွဲတွင် သန်လျင်မြို့ အောင်သုခ ပရိယတ္တိစာသင်တိုက်မှ ဆရာတော် ဒေါက်တာဘဒ္ဒန္တ ထေရိန္ဒ (အဂ္ဂမဟာပဏ္ဍိတ အဘိဓမ္မာပိဋက မဟာဌာနမှူး နိုင်ငံတော်ပရိယတ္တိသာသနာ့တက္ကသိုလ်၊ ရန်ကုန်)အမှူးပြုသော ပင့်သံဃာ(၅)ပါးတို့အား ပင့်ဆောင်၍ ခေတ္တပါမောက္ခချုပ်၊ ဒုတိယပါမောက္ခချုပ်များ၊ ဆရာ၊ ဆရာမများ၊ ဝန်ထမ်းများ၊ ကျောင်းသား၊ ကျောင်းသူများက ဝါဆိုသင်္ကန်း၊ လှူဖွယ်ပစ္စည်းအမျိုးမျိုးနှင့် လှူဒါန်းငွေကျပ် စုစုပေါင်း (၃၁)သိန်းအား ဆပ်ကပ်လှူဒါန်းခဲ့ပါသည်။
Myanmar 
English