Author: EYU Admin

ရန်ကုန်ဇုန် တက္ကသိုလ်များအဆင့် ဘောလုံး၊ ဘော်လီဘောနှင့် ဖူဆယ်ပြိုင်ပွဲများကို ၂၀၂၆ ခုနှစ်၊ ဇွန်လ ၁၃ ရက်နေ့မှ ၁၉ ရက်နေ့အထိ ကျင်းပပြုလုပ်ခဲ့ရာ ရန်ကုန်အရှေ့ပိုင်းတက္ကသိုလ် (EYU)မှ အမျိုးသား ဘောလုံး အသင်းနှင့် အမျိုးသားဘော်လီဘောအသင်းတို့ ပါဝင်ယှဉ်ပြိုင်ခဲ့ကြသည်။ အဆိုပါပြိုင်ပွဲတွင် ရန်ကုန်အရှေ့ပိုင်းတက္ကသိုလ် အမျိုးသားဘောလုံးအသင်းသည် အဆင့်ဆင့်သော ပွဲစဉ်များတစ်လျှောက် အကောင်းဆုံးခြေစွမ်းပြသကာ ပွဲစဉ်အလိုက် အနိုင်ရလဒ်များ ဖော်ဆောင်နိုင်ခဲ့ပြီး ပြိုင်ပွဲတစ်လျှောက် ရှုံးပွဲမရှိဘဲ ချန်ပီယံတံခွန်စိုက်ဆုဖလားကို ဆွတ်ခူးရရှိခဲ့ပါသည်။ မိမိတို့တက္ကသိုလ်၏ ဆောင်ပုဒ်ဖြစ်သော “အောင်လံလွှင့်ထူ EYU” နှင့်အညီကျောင်းဂုဏ်ဆောင်နိုင်ခဲ့သည့် ချန်ပီယံ EYU ဘောလုံးအသင်းအား ရန်ကုန်အရှေ့ပိုင်းတက္ကသိုလ် မိသားစုတစ်ခုလုံးမှ မှတ်တမ်းတင် ဂုဏ်ပြုအပ်ပါသည်။

ရန်ကုန်အရှေ့ပိုင်းတက္ကသိုလ်ရှိ ဆရာ၊ ဆရာမများ၊ ဝန်ထမ်းများ၊ ကျောင်းသား၊ ကျောင်းသူများ ကျန်းမာရေး အသိပညာဗဟုသုတများ ရရှိစေရန်အတွက် ရည်ရွယ်၍ အဆိုပါတက္ကသိုလ် ဘွဲ့နှင်းသဘင် ခန်းမ၌ (၉-၆-၂၀၂၆) ရက်နေ့ နံနက် (၁၀း၀၀)နာရီတွင် ကျန်းမာရေး အသိပညာပေးဟောပြောပွဲကို ကျင်းပခဲ့ပါသည်။ အဆိုပါ ဟောပြောပွဲတွင် ခေတ္တပါမောက္ခချုပ် ဒေါက်တာမျိုးမင်းထွန်းက အဖွင့်အမှာစကား ပြောကြားခဲ့ပြီး FAME ကုမ္ပဏီမှ မန်နေဂျင်းဒါရိုက်တာ ဒေါက်တာခင်မောင်လွင်က မှတ်ဉာဏ် ခေါင်းစဉ်ဖြင့်  ကျန်းမာရေးအသိပညာပေး ဟောပြောခဲ့ပါသည်။ အခမ်းအနားသို့ ရန်ကုန်အရှေ့ပိုင်းတက္ကသိုလ်မှ ဒုတိယပါမောက္ခချုပ်များ၊ သင်ကြား/ စီမံ(ဌာနမှူး)များနှင့် ဘာသာရပ် ဌာန(၁၉) ဌာနမှ ဆရာ၊ ဆရာမများ ဝန်ထမ်းများ၊ ကျောင်းသား၊ ကျောင်းသူများ တက်ရောက်ခဲ့ကြပြီး သိရှိလိုသည်များကို အပြန်အလှန် ဆွေးနွေးခဲ့ကြပါသည်။

ရန်ကုန်အရှေ့ပိုင်းတက္ကသိုလ်ရှိ ဆရာ၊ ဆရာမများ၊ ဝန်ထမ်းများ၊ အင်္ဂလိပ်စာ အရည်အသွေးတိုးတက်လာစေရန်အတွက် ရည်ရွယ်၍ “English Language Proficiency Enhancement Course” သင်တန်းအား (၉-၆-၂၀၂၆) ရက်နေ့မှ (၁၀-၇-၂၀၂၆) ရက်နေ့အထိ ဖွင့်လှစ်မည်ဖြစ်ပါသည်။ အဆိုပါသင်တန်း   ဖွင့်ပွဲအခမ်းအနားကို  တက္ကသိုလ် ဘွဲ့နှင်းသဘင် ခန်းမ၌ (၉-၆-၂၀၂၆) ရက်နေ့ မွန်းလွဲ (၂း၀၀)နာရီတွင် ကျင်းပခဲ့ပါသည်။ အဆိုပါ သင်တန်းဖွင့်ပွဲတွင် ခေတ္တပါမောက္ခချုပ် ဒေါက်တာမျိုးမင်းထွန်းက အဖွင့်အမှာစကား ပြောကြားခဲ့ပြီး အင်္ဂလိပ်စာဌာန ပါမောက္ခ(ဌာနမှူး) ဒေါက်တာအောင်ကြည်မှ သင်တန်းနှင့် ပတ်သက်သည့် စည်းမျဉ်း စည်းကမ်းများအား ရှင်းလင်း ပြောကြားခဲ့ပါသည်။ အခမ်းအနားသို့ ရန်ကုန်အရှေ့ပိုင်းတက္ကသိုလ်မှ ဒုတိယပါမောက္ခချုပ်များ၊ သင်ကြား/ စီမံ(ဌာနမှူး)များနှင့် ဘာသာရပ်ဌာန(၁၉)ဌာနမှ ဆရာ၊ ဆရာမများ၊ ဝန်ထမ်းများ၊ သင်တန်းသား/သူများ တက်ရောက်ခဲ့ကြပါသည်။

ရန်ကုန်အရှေ့ပိုင်းတက္ကသိုလ်တွင် အရည်အသွေးမြင့် အဆင့်မြင့်ပညာရေးကို ဖော်ဆောင်နိုင်ရေး ရည်ရွယ်၍ တက္ကသိုလ် ဆရာ၊ ဆရာမများအနေဖြင့်  အရည်အသွေးရှိသော သင်ကြား၊ သင်ယူမူ စနစ်များ သိရှိနားလည် သဘောပေါက်စေရေး၊ အရည်အသွေး အာမခံမှု စံသတ်မှတ်ချက်များ သိရှိလိုက်နာကျင့်သုံးနိုင်ရေးအတွက် တက္ကသိုလ် ဘွဲ့နှင်းသဘင် ခန်းမ၌ (၄-၆-၂၀၂၆) ရက်နေ့တွင် အရည်အသွေးအာမခံမှု (QA) အကြောင်း သိကောင်းစရာ ဟောပြောပွဲကို ကျင်းပခဲ့ပါသည်။ အဆိုပါဟောပြောပွဲတွင် ခေတ္တပါမောက္ခချုပ် ဒေါက်တာမျိုးမင်းထွန်းက အဖွင့်အမှာစကား ပြောကြားခဲ့ပြီး ဒုတိယပါမောက္ခချုပ် ဒေါက်တာသီတာအောင်က သင်ကြား သင်ယူမှု ချဉ်းကပ်မှု နည်းလမ်းများ အကြောင်းကို ဟောပြောပို့ချခဲ့ပါသည်။ ရန်ကုန်အရှေ့ပိုင်းတက္ကသိုလ်မှ ဒုတိယပါမောက္ခချုပ်များ၊ သင်ကြား/ စီမံ(ဌာနမှူး)များနှင့် ဘာသာရပ်ဌာန(၁၉)ဌာနမှ ဆရာ၊ ဆရာမများ တက်ရောက်ခဲ့ကြပြီး သိရှိလိုသည်များကို အပြန်အလှန်ဆွေးနွေးခဲ့ကြပါသည်။

ရန်ကုန်အရှေ့ပိုင်းတက္ကသိုလ်တွင် တက္ကသိုလ်၏ ဥပဓိရုပ်ကောင်းမွန်စေရန် နှင့် သင်ကြား၊ သင်ယူမှု ပတ်ဝန်းကျင်ကောင်း ဖန်တီးပေးနိုင်ရန် အပတ်စဉ်‌ သောကြာနေ့တိုင်း ကျောင်းသန့်ရှင်းရေး ပြုလုပ်ခြင်း (Friday Campaign)အား ဆရာ၊ ဆရာမများ၊ ဝန်ထမ်းများ၊ ကျောင်းသား၊ ကျောင်းသူများ အားလုံးပါဝင်၍ လုပ်ဆောင်ခဲ့ကြပါသည်။